Учредитель Министерство культуры Республики Крым

«Эбедий халкънынъ хатырасында» улу гъалебенинъ 75-йыллыгъына: Ибраим Файтонджы

Бугуньки икяемнинъ къараманы къадимий Багъчасарайнынъ Эски-Юртында догъулгъан Ибраим Файтонджыдыр. Ибраим Файтонджы 1915 сенеси Багъчасарайнынъ Эски-Юртында (шимди Подгородная сокъагъы) Халил бей ве Сальме ханымнынъ къорантасында дюньягъа кельди. Къырымда ачлыкъ йыллары олгъанда балалар эвине тюше. Багъчасарайнынъ балалар эвинде, о окъугъан сыныфта беш бала Ибраим Халил огълу адынен белли эди, онынъ ичюн, балаларны эписини бир сырагъа тизип, бабалары ненен огърашкъаныны сорагъанлар, ойле этип Ибраим агъа Файтонджы олгъан.

Асылда эвель-эзельден эр бир къырымтатарнынъ лагъабы олгъан, аталар сёзинде: «Йигит лагъабынен белли дейлер». Къоранталарында дёрт бала олгъан, экиси экинджи джихан дженкининъ иштракчилеридир. Агъасы Сейтумерде (1909-2003) дженкте иштрак эткен. Ибраим Файтонджы ФЗУны битирип къайнакъчы ве айдавджы зенатларыны менимседи. Экинджи джихан дженки башлагъанда, дженкке чагъырылды. Акъярда автоколоннанынъ болюк командири олды. 1942 сенеси Акъярда мешур 35 батареянынъ дивизия мудафасынынъ ялысында дженк япты. Ибраим агъа озь арабасында юзлернен яралыларны, ашаит макъсулатларны, артиллерия мермилерни (снарядларны) ташыды… Бойле этип дженк битти, лякин фаджиалар битмеди… Чокъ йыллар девамында Ибраим Файтонджы гъайып олгъанлар джедвелинде сайылды… Тек, 1975 сенеси Ибраим Файтонджы «Акъяр Мудаафасы» ичюн, деген медальнен такъдирленди.

Ватандашымыз Ибраим Файтонджы Акъяр Мудаафасы акъкъында язылгъан китапларнынъ къараманы олды. Олар арасында: «Акъяр — къараман шеэр»-1985 с., Евгения Мельник «Гизли тешкиляткъа ёл»-1961 с.

Ибраим Файтонджы озь севимли Багъчасарайына 1990 сенеси авдет олды ве 2002 сенеси сонъки мекяныны тапты, чюнки омюр билля, оны арз эте эди…

Ильмий хадим Айше Меметова

Галерея

RU   QT
Обратная связь