Учредитель Министерство культуры Республики Крым

Арефе

Ярын бутюн мусульман дюньясы мубарек Рамазан айы башланмасыны сабырсызлыкънен беклей, ораза тутмагъа азырлана. Рамазан айы башламаздан эвель, бугунь, апрель 23 куню, халкъымызда ань-аневий Арефе куню сайыладыр. Арефе куню халкъымызда бир аджайип адет бар, бу къокъу чыкъармакътыр. Мубарек Рамазан айнынъ башламасынынъ дюньягъа бильдирмектир. Бу куню чебер эв бикелери чибереклер, къатламалар созалар, бойлеликнен Рамазан айы кельгени эр кезге дуюла. Уйледен сонъ эв бикелери хамыр басмагъа башлай, акъшамгъа къадар хамыр алыша, мине. Акъшам эзаны исе, ай киби чибереклер къавурыла. Эвель-эзельден биринджи къавурылгъан чиберекни, я да къатламаны копекке, мышыкъкъа берелер, чюнки къокъуны башта олар дуя экен. Бир десте чиберек ве къатламалар къавурылгъан сонъ, мытлакъа къомшу пайы деп, еди къапыгъа даркъатыла, берильген савут бош къайтарылмай, демек, эр кез эвинде пиширильген емеклернен къомшуларынен пайлашалар. Бутюн къоранта софрагъа топлана, дуалар ниетлер этип, Рамазан айына азырлана, иште халкъымызда бойле аджайип дюльберликте адет бар.

Къырымтатар медений-тарихий мирас музейнинъ ильмий хадими

Меметова Айше

RU   QT
Обратная связь